افتكروني ميت وادفنت فوقت لقيت نفسي ف القبر ومتكفن حاولت أصرخ بكل قوتي بس محدش سامعني بعد فترة سمعت حد بيحفر فرحت وقولت حد سمعني وجاي يخرجني بس المفاجأة أن الحفر كان جاي من تحت القبر …..
الحفر مكنش طبيعي اكن حد بيحفر بأديه ورجليه وفجاة ايد سودة خرجت من ارضية القبر
وسمعت صوت خشن معرفش جاي منين بيقول
من ربك؟
انا لساني اتحاش مش عارف ارد اكني اتشليت كل اللي طالع مني صوت مش موضح حاجة اكني طفل صغير بيتعلم الكلام
بعد شوية الصوت اتكلم تاني وقال
ما دينك؟
مش عارف ارد خالص كل اللي طالع اووووووووووو اممممممممم مش عارف اقول حاجة خالص
نفس الصوت سال تاني
ومن الرجل الذي بعث فيكم؟
مفيش رد مني اتشليت
انا مش ميت انا مش ميت دا الصوت اللي كان ف دماغي انا مش عايز اموت دلوقتي انا لسة عايز اتوب يااارب انا اسف ارحمني يارب رجعني ياارب والله هعيش مستقيم ومش هعصيك ابدا
فجاة الروئية بقت ضبابيه لحد ما انعدمت خالص و غبت عن الوعي وكل حاجة بقت سودا تماما
فجاة من وسط الضلمة سامع صوت اجهزة وناس بتتكلم بفتح شوية بشوية لقيت نفسي ف قوضة وعلي سرير وف ممرضة جنبي اول ما شافتني فتحت قالتي
حمدل علي السلامة يا استاذ
وخرجت من القوضة ورجعت معاها دكتور الدكتور كشف عليا وقال
حمدل علي السلامة يا استاذ كريم اي الغيبة الطويلة دي
انا فين واي اللي حصلي هو حد سمعني من القبر وخرجني
الدكتور : قبر اي يا استاذ كريم بعد الشر عليك انت كنت غيبوبة من السكر بقالك 45 يوم حمدل علي السلامة وانا هبلغ الادارة تتصل علي حد من اهلك
بانا : جد يعني انا عايش ممتش بجد يا دكتور بجد
الدكتور : واضح ان الغيبوبة اثرت علي المخ هاتلي حقنة مهدئة وابعتي حد من الاشعة يجي يعمل رسم مخ واشعة عشان نطمن علي المخ
الممرضة :تحت امر حضرتك يا دكتور
انا : بعد اذنك يا دكتور قبل اي حاجة معلش عايز اصلي ركعتين بالله عليك اصلي بس واعمل فيا اللي انت عايزو
الدكتور : يا استاذ كريم غلط الحركة دلوقتي وكمان السجود انا معرفش رد فعل المخ اي انتظر لما اطمن علي المخ الاول وبعدين اعمل اللي انت عايزو
انا : هصلي وانا قاعد علي السرير بالله عليك انا ربنا اداني فرصة تانية اعيش بالله عليك
الدكتور : تمام بس من غير اي حركات مفاجاة عشان ميحصلش اي مضاعات دي معجزة انك فوقت لو كانت الحالة استمرت اكتر من كدا للاسف كنا هنفصل الاجهزة ونعلن الوفاة
انا : مش بقول لحضرتك ربنا داني فرصة تانية
الممرضة : تمام يا دكتور الحقنة جاهزة وغرفة الاشعة جاهزة