كتب. حماده مسلم في بعض الاحيان تجد نفسك تضرب كف علي كف اليومين دول عاملين نضرب كف علي كف من كورونا الي قانون التصالح الي المصروفات المدرسية ده اللي اولاده في المدارس الحكومية مابالك اللي اولاده في مدارس خاصة تقريبا كده انتحر احسن مش هيفيدك انك تضرب كف علي كف ..هي الحكومة ليها تار عند الشعب ولا فاكرين انهم دوله والشعب دوله تانيه . .عزيزي القاريء مجانية التعليم مهدده بالالغاء تقريبا كده ان مجانية التعليم اصبحت من الماضي .. التعليم للاسف الشديد في مصر يحتاج الي نظره شاملة من تطوير واستراتيجيات مدروسه بخلاف مايحدث الان من تجارب ومجانية التعليم احد اركان التعليم لاسباب كثيرة وهي ان اغلبية الشعب فقير يجد قوت يومه يوم بيوم بصراحة كده ياحكومه هو المواطن هيلاقيها من فاتورة الكهربا ولا من فاتورة الميه ولا انبوبة الغاز او فاتورة الغاز الناس بتكح تراب ومش لاقيه العيش الحاف قصدي مش لاقيه تمن الرغيف وياسلام لو تعبت شويه العلاج ميزانية لوحده من دواء وروشتة طبيب او رحلة من العذاب لايجاد مستشفي تقبله … عزيزي القاريء المصروفات المدرسية بكل امانة تضرب مجانية التعليم في مقتل نتعجب من صاحب القرار وفي تلك الوقت العصيب المواطن خارج من ازمات هل القياده السياسية تستجيب لنداء المواطنين لتخفيض المصروفات وتقليل جشع اصحاب المدارس الخاصة بصراحة المواطن منتظر من الحكومة ان تعطف عليه وترحمه من نار المصروفات فعندما اتذكر ايام الدراسه كانت المصروفات يوم ماتتمعظم تعدي الخمسه جنيه ويتصرفلك الكتب والكشاكيل والكراسات وان كانت المدرسة عسكرية لبس وبياده كمان فين ايام مجانية التعليم فعلا اصبحنا نقول علي مجانية التعليم من الماضي علي العموم في ناس بتضرب كف علي كف وناس هتنتحر انت بقي من اي فريق انا من اللي بضرب كف علي كف… الخلاصه التعليم من اساسيات الحياة لابد ان يكون متاح للجميع دون تقيد
