هو: يارب ترحمني بقي كل يوم اتزنق في الاتوبيس وأفضل واقف ساعه عشان يجي وساعه على اما اوصل. وخناق وزحمه ودوشه.
والمدير ولا التقشيره بتاع كل يوم.
ومره يوبخني بلسانه ومره يزغرلي بعنيه.
ببقى هاين عليا اضربه
#حبيبي اعملك غدا ايه.
ولا الشغل المستنيني على المكتب من امبارح.
وسخافات الناس ومطلبها ال مش بتخلص.
الود ودي مروحش الشغل.
طب والعيال والبيت هياكلوا منين لو انا قعدت.
ولا حتى زعقت للمدير أديني مستحمل سخفته.
يااااه امتى بقي ارتاح.
#حبيبي مقولتش اعملك ايه عل الغدا.
شكلي مش هرتاح الا وانا عل المعاش بقي او الراحه الأبديه.
اهم الاتنين أصعب من بعد لو طلعت معاش هموت وانا بصرف تلاته مليم الهاخدهم ويمكن نشحت ولو بقي فضل عيل من العيال كان لسه في التعليم لا دا انا اروح اموت احسن.
فضل يفكر لحد اما خرج من البيت وركب الاتوبيس وكاالعاده واقف مفيش مكان.
معلش يا فندم انت عارف بقي
#المدير: ايوه يا سيدي قصه كل يوم.
اتفضل ياافندي على مكتبك.
هو:الحمد لله جت سليمه.
قعد عل المكتب وسرح للحظه دا انا لومت دول هيتبهدلوا من بعدي اولهم مراتي متعرفش حاجه في الدنيا ولا تعرف وسخافات الناس.
