(معاني الكلام)
كلمات الشاعر / على عبيد
الكلام محتاج معاني
فيه الفكر جاي يزور
يرسم حرف ويا كلمه
تتلخص على السطور
ممكن اكون أناني مرة
لكن قلبي ما يدور
ممكن أتوه في المعاني
ويغرق قلمي في البحور
ممكن اعيش مع أحلامي
و ألاقي حلمي جاي بنور
ممكن ألخص الحكاوي
و اقطعها من الجذور
ممكن ألمس الأماني
وأمسك بضي البدور
ممكن أحس وألاقي نفسي
ليا في كل مكان حضور
ممكن أحب اللي شاريني
واهدى ليا ورد وزهور
ممكن ألاقي حد طيب
يجعل في قلبي السرور
ممكن أنسى اللي بايعني
وأنهي معاه كل الأمور
ممكن اجعل حيطه سد
للي فيه طبع الغرور
ممكن أحس بحد خاين
واقوله ابعد وغور
ممكن افرز المنافق
ودمي منه يفور
ممكن أخلص الكلام
ولسه باقي هناك سطور
لكن في النهاية إحنا
جعلنا من كلامنا نور
لكن في النهاية إحنا
جعلنا من كلامنا نور
