مملكة النجيلة
صحيت يوم من النوم
لقيت الدنيا مقلوبة
بيقولوا فيه كومباوند
النجيلة فيه محبوبة
قلت خير في إيه يا ناس
قالوا عندنا احتفال
النجيلة عاملة سيزون
والشجر لابس بدلة جمال
قلت طب والمية راحت فين
قالوادي بتروي النجيلة
قلت يا ساتر يا ربّي
دي نجيلة ولا قبيلة
قالوا دي نجيلة VIP
ممنوع حد يعترض
قلت طب والطماطم
قالوا ملهاش حق في الطلب
الطماطم قامت تصرخ
حنا أولى يا جماعة
أنا باكلني الغني والفقير
ومش جاية أعمل دعاية
البصل قالأنا مهم
والفلفل قالوأنا كمان
والباذنجان قالوسعوا
ده أنا سلطان المطبخ كمان
العنب نادى من بعيد
يا أهل الخير اسمعوني
بدل أرضي في بلاد تانية
هاتوا حتة وازرعوني
ردت النجيلة بكل غرور
يا جماعة إيه الكلام
أنا منظري يفتح النفس
وأهو المنظر له مقام
قالت المية استنوا بس
أنا عندي كلمة مهمة
مش كل خرطوم يتفتح
تبقى المية غنيمة
أنا مش ضد النجيلة
ولا ضد منظرها الحلو
بس لما المية تبقى غالية
نبص للخير الأول
قال الفلاح يا أهلنا
أنا موجود ومستني
هاتوا الأرض وأنا أزرع
وأخلي الخير يغني
صاحب الكومباوند قال
طب والمكسب يا فلاح
قال المكسب مضمون
لو العقل قال صح
ازرع طماطم وبصل
وفلفل وعنب كمان
والساكن يشتري طازة
من جوه نفس المكان
لا نقل ولا شحن
ولا سعر نار في السوق
والكومباوند يكسب
والفلاح يلاقي حقوق
والساكن بدل ما يتفرج
على زرعة من بعيد
ياكل من خير أرضه
ويقول يا سلام يا سعيد
وفجأة النجيلة صرخت
يعني هتزرعوا جنبي
قلت: أيوه يا ست الكل
ولا إنتِ زعلانة مني
قالت أنا مش ضد الزرع
بس عايزة حقي محفوظ
قلت حقك محفوظ يا خضرا
بس الخير مش كله صفوف
خلي جنبك شجرة مثمرة
وخلي جنبك بستان
إنتِ تفرحي العين
وهو يطعم الإنسان
وفجأة من آخر السور
جرس إنذار رنّ
يا بشر فوقوا شوية
قبل ما الخير يحنّ
المية مش لعبة
والأرض مش منظر وخلاص
واللي يملك نعمة النهارده
بكرة يسأل راحت فين
مش كل أخضر يبقى خير
ولا كل منظر ثروة
ساعات حبة طماطم
تساوي خزنة وثروة
وساعات شجرة مثمرة
تعمل اللي ألف لوحة ما تعملوش
تديك أكل ورزق
والعطشان ما تحرمهوش
يا مملكة النجيلة
خدي بالك من الحكاية
الجمال حلو يا سادة
بس الأحلى منه الكفاية
خلي النجيلة تضحك
وخلي الزرع يثمر
وخلي المية تتحسب
قبل ما يومًا تتأخر
إحنا بلد النيل
والخير في أرضنا قديم
مش معقول نسقي منظر
ونقول: أصل المنظر نعيم
ازرع جمال وفايدة
وخلي الخير يعمّ
خلي الكل مستفيد
مش منظر وبس ويهمّ
دي مش حرب على النجيلة
ولا خناقة مع الكومباوند
دي صفارة عقل بتقول
يا ناس خلّوا الأخضر مفيد
والخلاصة يا سادة
من غير فلسفة ولا كلام
نجيلة تفرّح العين
وزرعة تطعم الإنسان
ومَيّه نحافظ عليها
عشان الخير يعيش كمان
يمكن لو نزرع صح
حال البلد يتغيّر
والخير لما يعمّ الناس
حتى الفقير يتبشّر
يا مملكة النجيلة
اتفضلي عيشي بأمان
بس سيبي جنبك شوية
مكان للخير والإنسان
للكاتب والشاعر
صلاح على قطب زهران
مملكة النجيلة
