العالم في قبضه

العالم في قبضه

بقلم: وفاء فوزي 

قسموا التورتة نيويورك تايمز تكشف الاتفاق السري

أمريكا اللاتينية لترامب – أوكرانيا لبوتين – وتايوان للصين

صحيفة نيويورك تايمز كشفت في تقرير خطير ليها أن اللي حصل في فنزويلا مش مجرد اعتقال رئيس، ده بروفة لتقسيم العالم على المكشوف.

القبض على مادورو ماكانش ضربة لبوتين زي ما ناس فاكرة، بالعكس… ده خدم فكرته وفكر ترامب معاه:

القوة قبل القانون، والنفوذ قبل العدالة.

ترامب مش شايف دول… شايف مخازن ثروات

نفط هنا، معادن هناك، وموقع استراتيجي يتاخد في الطريق.

وبوتين؟ نفس المنطق بالظبط، بس بنكهة روسية قديمة.

والصين واقفة بتتفرج… ومستنية دورها في تايوان.

نيويورك تايمز سمت ده “عقيدة دونرو”

يعني صفقة كونية:

أمريكا اللاتينية تحت إيد ترامب

أوروبا الشرقية ملعب لبوتين

وتايوان على نار هادية للصين

والشعار؟

“بنحرركم”…

زي ما اتقال قبل كده في العراق، وليبيا، وسوريا.

الخطير بقى إن أمريكا نفسها كسرت آخر قناع:

خطف رئيس دولة، خارج القانون، وبغطاء أخلاقي مزيف.

لما الكبير يعمل كده، الصغير هيتكسف ليه؟

الرسالة وصلت: لو ترامب خطف رئيس عشان النفط

يبقى بوتين من حقه يكمّل في أوكرانيا

والصين من حقها تفكر تاخد تايوان

العالم اللي كنا نعرفه بيقع حتة حتة

مش لأن النظام الدولي كان ملاك

لكن لأنه – رغم عيوبه – كان لسه فيه أمل.

دلوقتي؟

التورتة على الترابيزة…

والكبار بس هما اللي بيقسموا.

سؤال بقى:

إحنا رايحين على فين كده ؟؟

العالم في قبضه