حين يختبرك الغياب قبل الحضو

حين يختبرك الغياب قبل الحضور

بقلم/نشأت البسيوني 

في ناس وجودها بيعدي عادي لكن في ناس غيابها بيهزك من جواك من النوع اللي أول ما يختفي تحس إن الدنيا اتسحبت من تحت رجليك وإن ملامح الأيام اتغيرت وإنك بقيت ماشي من غير ظل ولا أثر ولا حتى حاجه تسندك لو تعبت ده مش لأنك ضعيف ولا علشان هم أقوى لا ده لأنك حبيت بصدق ودي أكبر مخاطره ممكن يعملها قلب في حياته وتفضل تسأل نفسك مليون سؤال من غير ما تلاقي 

إجابه هو ليه ما كملش هو ليه اختار يمشي هو ليه سابك بعد ما خلاك تتعود عليه بعد ما خلاك تصدق إن وجوده وعد وإن كلامه أمان وإن حضنه آخر محطه تعب بعدها تسمع كلمة النهايه اللي ما حسبتش حسابها وأكتر حاجه توجعك مش الفراق لأ ده إنك اكتشفت إن اللي كان بيطمنك هو نفسه اللي رجفك وإن اللي كنت شايفه باب نجاة كان مجرد ممر ضيق بيوديك لنفس الوجع اللي 

هربت منه وتبص لروحك تلاقيها مرهقه من كتر ما حاولت تتماسك ومن كتر ما ضحكت قدام الناس ومن كتر ما قلت ماحصلش حاجه وبالليل تلاقي نفسك حاطط إيدك على قلبك وبتسأل هو إزاي لسه بينبض بعد كل ده هو إزاي لسه بيقوم رغم كل اللي وقع عليه وإزاي لسه مصدق إن في يوم جاي أحسن من اللي فات وتتعلم إن الغياب مش بس وجع الغياب كشف الغياب مرآه بتعرفك مين كان شايلك 

ومين كنت شايله ومين كان وجوده نعمه ومين كان وجوده عبء وانت مش واخد بالك الغياب بيعلمك إنك ما تتمسكش بحد ماسكك بشرط وإنك ما تحبش حد يخاف يحبك وإنك ما تديش روحك لحد مش عارف قيمتها ولا عارف وزنها ومع كل ليله بتعدي هتعرف إن الزمن ما بيعالجش الوجع زي ما بيقولوا الزمن بيربيك يخليك تفهم تخليك تهدى تخليك تشوف الصورة من بعيد وتعرف إن اللي مشي 

كان لازم يمشي وإن الباب اللي اتقفل كان رحمة من ربنا وإن الحاجه اللي كنت فاكرها نهايتك ما كانتش غير بدايه جديده لجزء تاني من حياتك انت ما اكتشفتوش غير لما وقعت وهتيجي لحظه هتبص لوجعك وتقول هو ده اللي خلاني قوي هو ده اللي خلاني أعرف أفرق بين اللي يستاهل واللي لا هو ده اللي خلاني أفهم إن المشاعر ما تتقاسش بالكلام تتقاس بالثبات وإن الوفا مش كلمة 

تتقال الوفا رجوله ومواقف وإن الحضور مش وجود الحضور روح تستقر جواك بدون خوف وفي آخر الطريق هتكتشف إن الغياب اللي وجعك هو نفسه اللي فتح لك عينك وإن الفراغ اللي اتساب جواك عمره ما هيفضل فاضي وإنك هتتعافى غصب عن الدنيا وغصب عن الوجع وغصب عن كل حاجه كسرتك لأن ربنا ما خلقش قلبك علشان يعيش منطفئ ربنا خلقه علشان ينكسر ويقوم وينهزم 

ويقف ويتوجع ويشفى ويتصلح ويعيش الغايب مش نهايتك والوجع مش هزيمتك والغدر مش علامتك انت أكبر من كل اللي فات وأقوى من كل اللي راح

حين يختبرك الغياب قبل الحضو