مريض نفسي مش عيب ولا حرام
،،،مريض نفسي مش عيب ولا حرام،،،
اسلام حسن
مريض نفسي مش عيب ولا حرام
سبحان الله والحمد لله
كلها امراض ربك عالم بيها
ومنزلها ومقسمها زي الارزاق
عارف وحده مين يستحمل
ومين هيكمل
ومين هيكون بالنسبه له موته شفاء
امراض ظاهره ومتشافه
حواليك الناس حساك
ساندينك فيها ويشيلوا معك
مراضك عارفينو وقراوا عنه
يمكن عانو بي قبلك
او مع حد قريب منهم
ومهما بتعمل الناس عذراك
اما انا بقى وكتير زيي
مرضه خبيث مش متشاف
وكانه سراب
لما شافوني قالوا كويس
قالوا استعباط
ماشي على رجله بياكل وينام
وعامل عيان
قاعد في البيت خايف من الموت
طب ما كلنا هنموت
ده اللي انتوا شفتوه ظاهر ليكوا
ده انا كل دقيقه كنت عايشها مستني الموت
وسايب عيلتي زوجتي مريضه مين هيشيلها
وثلاث اطفال منها هيربيهم
وده غير مرضي شايله لوحدي
كنت بقول للناس خليكوا جنبي
كنت بقولها زي الشحات
الحمل تقيل شايله لوحدي دين وعليا
فضل وربنا من عليا
علشان ربنا عارف ان انا سداد
كانوا شايفين مرضي عيب وحرام
انت اتجننت دكتور نفسي
وكلامهم كان كله سلبي واحباط
صحيح انا سني صغير
بس ربنا اداني نعم كثير
واداني الصبر قبل الابتلاءات
لو واحد منهم داق تعبي
والله كان مات
ما انا قايل من الاول اني
الامراض زي الارزاق
ربنا قواني امي دعيت لي وبصيت قدامي
وبصراحه امي الوحيده اللي كانت شايلاني
وصممت ان اخف علشان نفسي
ما هي مش ليا
مسؤول عن ناس مربوطه فيا
وسبتني من الناس واخذت علاج
وفي وسط المشوار رحلت عني
ام عيالي اللي مرضها كان جوايا
بتالم بيه
علشان عاجز مش قادر اداويه
ربنا رحمن اداها دواها وريحها
وداني الصبر واواني الطاق طاقتين
وبفضل الله وبدعوه امي ودكتوري كان من الاسباب
الخوف سابني وقفلت عليه الباب
ربنا ما يوري لحد اللي انا شفته انا شفت عذاب
والعين اللي صابتني ترجع لصاحبها مقلوبه عليه
وتكون له عقاب
وبقول للناس اللي اذتني بكلامهم ليا وكسرتني
ما يحسش بالنار الا اللي ماسكها
المرض ما فيهوش حد بيستعبط ما فيهوش كداب
كلها امراض واكيد بيكون ليها اسباب
كلمات: اسلام حسن
