الدكتور : بصراحة انا مستغرب حالتك جدا يا والدي عضم رجلك اكنو بيتحلل رجلك محتاجة عمليات شرايح ومسامير عشان تقدر تمشي عليها تاني
انا : والدك مين يا دكتور انا عندي 35 سنة انت لي بتتكلم معايا اكني 80 سنة
الدكتور : اي ؟ اصل شعرك كلو ابيض ووشك يدي السن دا الحقيقة
انا : لو سمحت انا عايز مراية
وهنا كانت الصدمة انا كبرت ف السن فوق 50 سنة
انا : انا اللي حصلي يا دكتور دا مش انا والله انا مش انا
الدكتور : ربنا يشفيك ياحج عموما انت هتشرفنا شوية عشان هتعمل اكتر من عملية ف رجلك
الدكتور قال للممرضة تديني حقة مهدئة عشان ارتاح وفعلا حصل
وهنا شوفت نفسي ف قفص اكنى مسجون وشوفت ناس معرفهاش عاملين زي محكمة وشوفت الرجل اللي شوفت قبل كدا اللي قالي اني كسرت رجلة بيشاور عليا وبيتكلم
….. انا عايز حقي من البنى ادم الظالم دا اللي مش راعي حرمة موتي ولا احياء
واحد من اللي القضاة … تطلب اي كتعويض وفدية عن الجريمة
….. القصاص العين بالعين القصاص
واحد من القضاة … حكمت المحكمة بالقصاص العادل لتستريح الروح والجسد
انا : قصاص اي انا معملتش حاجة والله العظيم انا معملتش حاجة انا معلمتش حاجة
فجاة حسيت بناس كلها غريب مسكوني ونيموني علي الارض واللي كان بيتكلم مسك عضمة وبدا يخبط علي رجلي بيها شكل الخبطة يبان من قوي خالص بس كنت حاسس انو بيخبط بحديدة قعد يخبط يخبط لحد ما سمعت صوت كسر وهنا كل حاجة سكتت وسمت صوت
تم القصاص العادل تم القصاص العادل
فوقت لقيت نفسي علي سرير المستشفي والناس بتقولي حمدل علي السلامة يا حج
انا : حج اي بس انا بقالي قد اي هنا
ممرضة : بقالك 45 يوم ف غيبوبة يا حج بعد ما عملت العملية
انا : كاااااااااام انا عايز امشي انا عايز اروح
ممرضة :براحة علي نفسك يا حج انت رجلك ليسة ف مرحلة خطرة ومش لازم تمشي عليها خالص لمدة 6 شهور علي الاقل عشان الشرايح تستقر
انا : بعد اذنك انا عايز امشي روحوني بيتي
ممرضة : حاضر يا حج استني هسال الدكتور
بعد اجراءات روتنية خرجت من المستشفي علي كرسي متحرك اخدت تاكسي وروحت بيتي وهنا كان مستنياني شوية صدمات
الصدمة الاولي
استاذ مجدي عمل حادثة وتوفي واتدفن جنب والدة وكان قبل ميموت بايام بيقول للناس انا السبب ف اللي حصلو ياتري هيسامحني
بعدها بايام عربية خبطتو ومات
الصدمة الثانية
بيتي جالو امر ازالة لانة خطر علي السكان وكل السكان مشيو ماعدا شقتي مقفولة علي حاجتي
الصدمة الثالثة اني شوفت حد شكلو مفزع واقفلي علي السلم لابس اسود ف اسود عينو كلها سوده تماما ومش بيتكلم بس انا سامع صوتو ف دماغي
“” انت فاكر انك اخدت عقابك ههههه احنا لسة بنبتدي انتي هتشوف العذاب بكل انواعة هتتمني الموت ومش هتلاقية انت فاكر اللي كنت بتدفنو ف المقابر هيعدي بالساهل “”” واختفي
هنا عرفت اللي كنت بعملو ف المقابر وعضم الميتين هتحاسب علية
بس لا انا مش هسكت لازم اوصل للمكتبة بتاعتي لازم اوصل للكتاب هو اللي هنقذني
لسة بتحرك ناحية السلم لقيت الشقة انفجرت انفجار عظيم والناس بدات تجري وبدات تسحبني بالكرسي بعيد عن البيت
