متحورش معايا
وفكك من الكلام ده
انا بنت النهارده
حلوة ولمضه
متفكرنيش صغيره
لا فوق عندي بصيره
في ناس أيدها قصيره
وبتفرح في اللمه
الناس مش بالجمال
ولا بقصور ومال
مين يوصل للكمال
أو يعبر بورده
في ناس لما تشوفها
ترتاح راحه قلوبها
لو توبك من توبها
تطمن من ضمه
لا خدتني في لفه
طبله وضحكه وزفه
هعدل بايدي الدفه
واسيبك جثه هامده
الشرف عندي غالي
والحلال راس مالي
سيبني ياواد في حالي
على الحياة جامده
كلمات محمد احمد شعلان
متحورش معايا
