وصل بين صورتين
هبكي عليك ياابا بدمع
قلب حزين
عايش ماليش ياابا غير
صورة بقالها سنين
كان نفسي أقول بابا وترد
بشوق وحنين
عايز أقول ياابا والكلمة
أقولها لمين
من صغري في اللفة وقالوا
طفل حزين
هيعيش كما التايه مالهش
حضن أمين
وطفولة ليه ضايعة ودموع
على الخدين
ياابويا دي الفرقة قاسية
ولو ساعتين
مابالك الفرقة عايشة بقالها
سنين
من ساعة اللفة وحتى يوم
الدين
نفسي في يوم ألقى عيونك
الحلوين
وحضن مات فجأة وفاتني
أقاسي سنين
م البعد والفرقة وشوقي جوه
دفين
هصبر على الفرقة لحد يوم
الدين
وأقول هناك بكره في جنة
الخالدين
هشوفه مش فارقة سنين
قضيتها حزين
وف حلمي لو ترضى أملي
بيك العين
واصبر على الفرقة بلمسة
م الكفين
وانام ولا أصحى واعيش
في حلمي سنين
بقلم فهمى محمود حجازى
وصل بين صورتين
