في حاجات غلط
عادل محمود
هو ليه الناس مبقتش حلوة من جواها ليه القلوب مش صافيه ليه الغل و الحقد و الكره سيطر ليه محدش طايق حد
ليه الخصام زاد و الفٌجر عشش ليه الغلط سايد و الصح ملوش مكان ليه كارهين الخير لبعض ليه ف نفاق و مجامله ف الغلط ليه التطبيل و قلة الحيله وقلة الحياء .. ليه بنلوم علي الأيام و الزمن و الغلط فينا ليه البركه راحت و الطعم مّر .. ليه المشاكل بقت أسلوب حياة ليه مفيش نظام و مفيش عدل ليه الظلم و الجشع والطمع ليه بقينا كدا ليه وصلنا لكدا ليه بقينا احنا دلوقتي مش احنا زمان هو ليه كدا بجد ليه مفيش جبر خواطر
ليه الكلمه الحلوة اتنست اكيييد في حاجه غلط…ماهو لما تنقلب الحقائق يبقي اكييد في شي غلط
لما تبقي الطيبةهبل يبقي في شي غلط
لما تبقي المناقشة جدال يبقي في شي غلط
لما يبقي النقد تجاوز يبقي في شي غلط
لما تبقي مطالبتك بالحق قلة أدب يبقي في شي غلط
لما يبقي تعبيرك عن حبك جرأة يبقي في شي غلط
لما يبقي صمتك ضعف يبقي في شي غلط
لما يبقي تعبيرك عن رأيك اندفاع وتهور يبقي في شي غلط
لما تبقي الفضيلة رجعية
لما يبقي شطارتك وذكاءك فهلوة
لما يبقي الصوت العالي الحق
لما يبقي حبك الحقيقي سذاجة
لما يبقي تمهلك سلبية
لما يبقي صمتك قبول
لما تبقي إبتسامتك وضحكك قلة أدب
لما يبقي حياءك قلة خبرة
يبقي في حاجات غلط معقول إلى هذا الحد انقلبت المعايير والموازين.؟
في حاجات غلط
