خدود الصباح
زجل قصيد باللهجه العاميه اللبنانيه
………….
………….
يا شعار الزكا رشي الندى رشي
على كمام الورد برقه تمشي
بنعومة لسانك الفجر شقوا
على خدود الصباح العطر مشي
عن حفاف السواقي الزهر نقوا
بعليق الجهل المستمع لا تغشي
إذا السَمع شوك لسانك دقوا
ما بتغني الذوق مهما توشي
عطوا قصيد الشعر حقوا
ولا تسبحوا بالبحر على قشي
مواج الهايجي المركب بطقوا
حبوب الفارغه عالوج بتش تشي
قمح شعرك بجاروشة العقل دقوا
عجين الفن بخميري مأصلي نشي
خبز الموهبي عا كارتك رقوا
أهل الفن عاسفرتك بتعشي
ورد شعري صرت زقوا
عالمنابر حملتو على رمشي
أهل الفلسفه والعبقريه غرقوا
ببحر شعري الشعر تعطر
وقطفتلهن من القلب الورد كمشي
………..
بقلم الأديب والشاعر يوشع علي إسماعيل
