أحلامنا راحت فين
واحنا صغيرين كنا بنسابق
دنيتنا مع حلم جميل
والفرحة تنور خطوتنا
من غير ما نميل
راسمين أحلامنا ف طفولتنا
ورد وياسمين
ولاحد بيخطف فرحتنا
أطفال عايشين
وتعدي ايام واحنا ف بيتنا
وتمر سنين
واتاري الدنيا كانت عارفه
رايحين على فين
متربصة تسرق فرحتنا
وعمللنا كمين
وكبرنا وتاهت خطوتنا
وصحبتنا مننا ضايعين
وعيونا. اتغير ملامحها
وماحناش حسين
بتدور فينا عن معالمنا
وعن حلم دفين
كان عايش فينا من طفولتنا
وهنسيبه واحنا مسافرين
على عالم مليان بالحب لانخاصم
بعض ولا نخالف رب العالمين
لهنسرق أحلام من بعض
ولاتبكي قلوبنا ولا العين
بقلم فهمى محمود حجازى
أحلامنا راحت فين
📧 اشترك في النشرة البريدية
أهم الأخبار توصلك على بريدك.
💬 التعليقات (0)