فينك يا حب
شعر/ سكينة الصولي
فينك ياحب… فين
ليه غايب من سنين
مشيت ونسيت جراح
بتزرع فىّ الأنين
فينك يا حب فين
ليه غايب عنا سنين
ليه ناسي فرحة ناسى
واللي كانت أساسي
كانت كنزى وميراثى
٠٠٠٠تركة كل السنين
فينك ياحب فين
وحشتنا ضحكتك
رجع لينا سكتك
لجل يعود الحنين
فينك ياحب فين
ليه هان عليك ودنا
ومشيت بعيد عنا
من بعدك الحزن بقى مننا
والفقر والقهر هازمنا ٠
والدنيا ناوية تعزمنا
بعدك على غدر وأنين
فينك ياحب فين
امانه عليك تعود
وتجدد فينا العهود
دا القلب بيك مشغول
وانت علينا المسؤل
ياريت تفضل على طول ٠٠
ونمحي بيك الأنين
وتحلى بيك السنين
يا كل فرحنا
الاسم سكينة محمد الفاتح عبدالله
مصر
فينك يا حب
📧 اشترك في النشرة البريدية
أهم الأخبار توصلك على بريدك.
💬 التعليقات (0)