(كل ما اقربلك خطوه

(كل ما اقربلك خطوه)

احمد ماهر ابو نورا
شاعر الصعيد

كل ما اقربلك خطوه…….. تبعدي عني خطاوي
ليه يا طبيبتي…….. تجرحي وما تداوي
وبخبي عنك آلام……. أيامي وسنيني
ولا عمرك مره……. تبادليني
اشواقي…………… وحنيني
حيرتيني…………. حيرتيني
وأبتدى الشوق……. يكويني
وناره………………. من عز منامي بتصحيني
وأنتي بتداري…… هواكي عن عيني
محتار…………… محتار
لا أنا عارف……. ليكي مرسى ولا أسرار
وكلامك جراح……… جرحني
ورمشك دباح……. دبحني
وشوقي فضاح……… فاضحني
وحبك………………. ما باين
نار………………….. ولا وجناين
وعليه…………. ما هاين
ابعد عنك…….. وارتاح
كلامك……….. ليه ديما جراح
انا بحبك…….. وانتي عارفه كدا
وعيوني…….. كلها شوق وندا
بتداري ليه هواكي…. وهوه اللي من الاول ابتدا
خايف ليكون قلبك….. مشغول بغيري
خايف ليكون غرامك…… نهايتي ومصيري
لو تداري…….. حبك واداري
حبنا………… ازاي يقدر يعيش
لو في يوم………. تحسي بناري
اللي من غيرك…….. ما تنطفيش
انتي الوحيده…….. اللي هويتك والقلب اختار
ووهبتك عمري يا عمري…… لآخر المشوار
وابدا ماحندم…….. ولو كان كله اخطار
أنتي الوحيده….. اللي القلب ليكي حن
ولا في يوم حيشكي…… ولا ييئس ولا يئن
كل ما اقربلك خطوه……. تبعدي عني خطاوي
ليه يا طبيبتي…… تجرحي وما تداوي
خلي الخصام…… يبعد عنينا
خلي الأمان…….. يسكن ليالينا
وأزاي مش حاسه……. بحبي
وشوقي وحنان…….. قلبي
دا قلبي شايلك حب……. عمره ما شاله
وعلى لساني كلام…… عمره ما قاله
ليه بتبعدي عني……. بعيد
والحنان…….. ما نحسهوش غير فى سلام الأ يد
كل ما اقربلك خطوه….. تبعدي عني خطاوي
ليه يا طبيبتي…..تجرحي وما تداوي
فوق شفايفي كلام….. لو أتقال يشق الحجر
وفي قلبي حب……. يملى قلوب كل البشر
وكل ما اقربلك خطوه….. تبعدي عني خطاوي
ليه يا طبيبتي……. تجرحي وما تداوي