راحت فين الضحكة
غابت ليه عن حياتنا 
والأمل تاه امبارح ياترى هنلاقيه بكرة ؟
تشوف الوشوش حزينة
والدمعة ع الخدود سخنة
شقت طريقها رسمت خطوطها
على مر الزمان أخدود
ايه اللي جرالنا ؟ ايه اللي حصل لينا ؟
بعد ماكانت وشوشنا سِمحة
وبيوتنا لو ضيقة
بالمحبة بِرحة
ولحد امتى مطولة يامحنة
صدقوني الضحكة ماتت
والنكتة باخت
والليلة من غير قمر عتمة
لقمة العيش م القهر مرة
وف الغربة لو من ذهب تغور ألف جَرّة
ليه الوشوش اصفرت ودبلانة ؟
والعافية اللي كانت تهد جبال بقت عيّانة؟
لاالضحكة راجعة ولا العافية بقت نافعة
خلاصة الكلام م الآخر
عايزين بكرة يغير نفوسنا
عايزينه يفتح بيبان الأمل
لأحفادنا
وياسلام لو تبقى النفوس راضية وصافية
وأنا ف حالي وأنت ف حالك وننسى كل حاجة جارحة
ولاننقل كلمة من هنا تروح هناك شايلة فتنة
اضحك لو جات لحد بابك الضحكة
متمشيهاش مكسورة وقول لها ما أحلاك يا فرحة
طه هيكل راحت فين الضحكة
