رسالة من غريقة)
(رسالة من غريقة)
من كام سنة
مشيت انا
مثلى مثل كل البشر
كنت شايفة الصعب مش مستحيل
كنت حاسة بأن نور الفجر لاح
بعد عتمة ليل طويل
كنت حاسة اني هلمس بأيدى السما
وكنت هوصل للقمر
كانت وعود وحلم جميل
كنت منتظراه من سنين
بس دلوقتى عاوزه ااقول كلمتين
أنا مش شايفة غير ضحكتك
وضحكك مش بيفارق الشفتين
وبنسمع وعود ووعود
وبكره هيبقى احسن من النهاردة
بس ازاى وفين
طريق النور صبح ضلمة
وغيره مش شايفين
كان نفسنا اللي فات يصبح خبر
ومنفكرش فيه من غير ملل
من غير سئم من غير ضجر
لكن دلوقتى شايفه إن الرجوع مستحيل
خليك أنت فى دنيتك
اللي مشيت لها مشوار طويل
علشان توصل للمكان
واضحك وعلي ضحكتك
علي صوتك ماتقربش وماتنزلش
دا الوصول إلي مستحيل
ماشية أنا وحدى
والخوف ملانى
وهيفرقونى الأهل والاخلانى
وبغرق فى بحر احزانى
نفس اهاجر أو اسافر
واعوم فى بحرى بدون قبطان
أرجع واقول بس الوطن غالى
هو اللى ابقالى
لكنى مش صابره
خايفه ومش قادرة
مش لاقىه حد يمد لى ايده
مش لاقية خل يصفى لى
ولا ود يبقى لى
ولا أهل ولا صحبه ولا جار ولاجنب يهدى لى
يابحر نفسي اسافر معاك في ترحالك
وأنزل على شطأنك
اغسل همومى هناك والامى
واعود من تانى لأحلامى
تحياتي لكم بقلمي
وفاء عبدالغفار
رسالة من غريقة)
