ـــــــــــــ شوف روحنا فين ـــــــــــــ
إنتوا فين ..؟
ياللي رويتوا الأرض بالدم الأمـين
ياهل الضمير الحي ف جبين السنين
ياهـل البلاد الضي والسـر الدفين
إنتوا فين ..؟
وغزه فيها النـور بينادي المؤمنين
داسها اليهودي الندل نسل الملعونين
والأقصى ف إيديهم نفر نايم سجين
طب وانتوا فين ..؟
ياولاد صلاح الدين مدد ليه كسلانين
القدس محتاجه المـدد مدوا الإيدين
مش كنتوا بتصدوا العدا والطامعين
طب روحتوا فين ..؟
الفـرقه دي مـن صـــنع مـــين ..؟
وليه شـتات العـرب طـول بالأنين
والفتنه غـول بتـهد جـاه الآمنـين
رمتــــنا ليـه فـي شـــتات مهــين
شوف روحنا فين
شوف روحنا فين ..؟
ــــــــــــــــــــــــــــــــــــــــــــــــــــــــــــــ
بقلمي خون أنوب الجديد معوض حلمي
منشأة بطاش .. تمي الأمديد .. دقهلية.
