غنوا لسينا
بقلم الشاعر / على عبيد
غنوا لسينا وقولوا معايا
شمسك دافيه وفيها حنان
لما الريح تيجي م الشرق
تهز الورد علي الأغصان
شكلك لونك حتى ملامحك
اجمل ورده في البستان
لما بشوفك بجري ف أرضك
ألاقي جمالك في الوديان
فيكي البحر يهز الرمله
ويجي يخدها بالاحضان
فيكي المسجد جمب كنيسه
حب حقيقي بين الأديان
دم شهيدك يروي ترابك
بطل الحرب واقوي سلام
رفع رايات النصر بقوة
علشان مصر تعيش بأمان
روحت هناك لمحت الجندي
حامي حدودنا ويا ميدان
واللي يقرب من الأعداء
يرجع تاني زي ما كان
خير جنود الارض يا ناس
مذكور اسمه في القرآن
يحمي الأرض ويا سمانا
صقر وقادر علي الغربان
أصل الجندي المصري حكاية
هزم هكسوس وتتار وكيان
وتشهد سينا لما هزمنا
عدو مغتطرس اصلة جبان
ورجعت سينا تاني لينا
بفضل الله ورجال جدعان
لما قالوا الله اكبر
هزت كل الدنيا كمان
غنوا لسينا وقولوا معايا
شمسك دافيه وفيها حنان
غنوا لسينا وقولوا معايا
شمسك دافيه وفيها حنان
