… هارجع تاني أذاكر …
………………………….
انا عاشق ليكي وغاوي
وماليني الشوق
أنا جاي لعنيكي وناوي
املاها شروق
في عنيكي السهم الشاطر
خلاني اسير
أنا هارجـــع تاني أذاكر
واقرا التفاسير
وافتح للطــــــــير الباب
ونعيش ولفين احباب
انا عاشـق ليكي وغاوي
وماليني الشوق
أنا جـاي لعنيكي وناوي
املاها شروق
وهاسـيب الجـرح يعـلم
وهاداري الآه
وهاحــــاول تاني اتعـلم
وابني لي حياه
وأبدأ مشــــواري معاكي
مشتاق يملاني هواكي
انا عاشـق ليكي وغاوي
وماليني الشوق
أنا جـاي لعنيكي وناوي
املاها شروق
كان حلمي الأخضر حي
وانا كنت امير
كان سارح يرمي الضي
خلاني أطير
كالنسر وباحمي فضائي
وبقيت في الحب فدائي
مانا عاشق ليكي وغاوي
وماليني الشوق
أنا جاي لعنـيكي وناوي
املاها شروق
وبنيت لك عش ف روحي
وفرشته زهور
ورسمتك ورد ف دوحي
حواليكي بادور
وادور ف رحـابك اغـني
واكتبلك شعري وفني
انا عاشـق ليكي وغاوي
وماليني الشوق
أنا جـاي لعنيكي وناوي
املاها شروق
أنا ماشي السكه وطاير
وبالم حمام
وباضفر حلـــمي ضفاير
وف حضنك انام
مشـتاق لحـــنانك قلـبي
مشـتاق والشـوق يلعبي
انا عاشـق ليكي وغاوي
وماليني الشوق
أنا جـاي لعنيكي وناوي
املاها شروق
هانزل في بحورك اعافر
واتعلم اعوم
وهادوس في النوه واخاطر
وهاجافي النوم
وأفضـل علشـانك صـاحي
وهاطير على فوق بجناحي
انا عاشـق ليـكي وغــاوي
وماليني الشوق
أنا جـاي لعنـــيكي وناوي
املاها شروق
……………………………….
بقلمي الفلاح الفصيح
معوض حلمي
منشأة بطاش
تمي الأمديد
دقهلية.
هارجع تاني أذاكر …
