بتحور ليه
بتحور ليه وتداري وتقول
انت اللي ف بالي
مع إن الفعل غريب من
ضهري غير قدامي
لو تسمح واجه نفسك
وكلمة صريحة وقولهالي
ياما قولت ف إول حبك
د انت اللي سكنت خيالي
وانا عمري ما فارق دربك
يافارس قلبي وأحلامي
عشمان أنا أفضل جنبك
وأنا عشت كتير مش داري
إن أنا بس اللي بحبك
وصحيت ما خطرش ف بالي
إن أنا هبعد عن دربك
ولا قلبي هيصبح خالي
ولا كنت أتخيل إنك تجرحني
وتقول عادي
وتخيب ظني ف حبك
ياما شلتك جوه فؤادي
وحلفت أعيش على عهدك
وسقيتك شهد ودادي
وشربت المر ف بعدك
وألاقيك فرحان في بعادي
بقلم فهمى محمود حجازى
بتحور ليه
