هبه السويدي تنفي عدم وجود حالات بمستشفي أهل مصر وتؤكد بعدم وجود سرير خالى
كتب محمد فضل
صرحت الدكتورة هبه السويدي رئيس مجلس إدارة مستشفي اهل مصر للحروق بأن المستشفي تعمل على مدار اليوم ولا يوجد سرير خالى حيث ظهر اشاعه بان مستشفى اهل مصر فاضية
لذلك قامت الدكتورة هبه بنفي الاشاعه وان المستشفي تعمل وبها حالات ونستقبل جميع الحالات
وقالت بجد لا أملك اني اقول غير حسبي الله ونعم الوكيل…
المستشفى كل السراير فيها مليانة …
ويوجد ١٤ طفل في العناية المركزة و منهم على اجهزة تنفس صناعي و ١٢ مريض في العناية المركزة الكبار و ٣٠ مريض في الإقامة الداخلية حالتهم توجع القلب…
وانا بكتب الرسالة دي مافيش ولا سرير في المستشفى و بقالنا على الحال ده شهور و دلوقتي حالا عندنا في الطوارئ طفل ٧٠% حروق ، طفلة ٣٠% و الاتنين محتاجين رعاية مىكزة، و ٣ ستات كبار ٢٠% حروق، و أتوبيس كامل انفجر بموظفين خط الغاز و الحالات الخطر الي فيهم راحوا مستشفى قالولهم لازم اها مصر منعرفش ننقذ حياتهم و المفروض الاسعاف اتحرك بيهم علينا و برضه محتاجين رعاية مركزة…
و فعلا مش عارفين غير اننا نحول قسم الطوارئ لرعاية مركزة لحد ما نلاقي حل…
احنا في اهل مصر عمرنا ما بنرفض حالة و بنحاول نتصرف و مش بنام لاننا عارفين الخطر الي حالات الحروق بتكون فيه و لو سيبناهم حيفقدوا حياتهم..
اهل مصر اتعملت علشان نخدم الناس و النية فيها صافية و فعلا محتاجين نضاعف طاقة المستشفى علشان نقدر نستوعب كل الحالات دي وكل جنيه بيفرق معانا في تجهيز المرحلة التانية…
فرجاء الي بيروج الشائعات دي يتقي ربنا لان في ناس حتفقد حياتها مع كل كلمة افترى بتتقال..
و اهل مصر موجودة و ياريت كل واحد يقرى رسالتي دي ييجي و يشوف بنفسه الوضع الي احنا فيه و يساعدنا نخلص المرحلة التانية و لو بس بأنه يقول فينا كلمة حق..
هبه السويدي تنفي عدم وجود حالات بمستشفي أهل مصر وتؤكد بعدم وجود سرير خالى
