ثلاث قصائد عن انتصارات أكتوبر

ثلاث قصائد عن انتصارات أكتوبر من كلمات الشاعر سيد البالوي

في إطار الاحتفالات التي تشهدها جمهورية مصر العربية والقوات المسلحة بمناسبة الذكرى الثانية والخمسين لانتصارات السادس من أكتوبر المجيدة،
نقدم لمحبي الشعر والأدب هذه الكلمات الوطنية عن انتصارات أكتوبر .
(قصيدة عن أكتوبر) (قصيدة احنا الجيل) (قصيدة إرادة شعب )

القصيدة الأولى :

عن أكتوبر قال أبطالنا
كنا بنسال كل دقيقة
ايمتى حتيجي ساعة الحرب
كنا بنمشي فوق الرمله
ونشهدها وعهدها
توصل ليكم
إنا حنضرب من غير قلب
وإنا دمائنا هدية بحب
وإن الجندي المصري مقاتل
وإن الأرض فى دينا دي عرض
زي الأم وزي الأخت
وزي الزوجة وزي البنت
واللي يهوب من أرضينا
يسال كيف بارليف شاف رعب
يسال عن امجاد افاخيخ
يسال عن جندي فتح صدره
ركعت لشجاعته الصواريخ
عن أكتوبر قال أبطالنا
أوعاكم تنسوا دا تاريخ
سينا بعدد الرمل
فيها شهدا
واحنا شهيد بيربي شهيد
عن أكتوبر قال أبطالنا
لسه الحرب ف كل وريد
حرب الصد وحرب الصبر
وحرب تطهر من التكفير
علشان دم الشهدا الطاهر
علشان نفضل بلد الخير
عن أكتوبر قال أبطالنا
لسه بلدكم عايزة كتير.
عايزه الباني وعايزه الصانع
وعايزه المبدع وعايزه مفكر
يصنع ليها مشروع قومي
يخلق بكرة
إنسان واعي وعنده ضمير
#سيد_البالوي

القصيدة الثانية :

احنا الجيل اللي اتعلمنا
من أكتوبر
إنا ولاد وبنات أبطال
وإن المصري مهما حيحصل
قادر يهزم أي محال
وإن اليأس انزاح واتكسر
يوم ما عبرنا فوق بارليف
يوم ما رفعنا علمنا وكبر
كل جنودنا بأسم الله
احنا الجيل اللي اتمناه
جيل أكتوبر يعيش من بعده
يحقق وعده لعبور تاني
بس عبور النور للنور
جيل بيعلم كل الدنيا
إن المصري مهوش مكسور
وإن المصري باني الماضي
وباني الحاضر والمستقبل
وصاحب علم وجاه وحضور
احنا الجيل اللي ما شاف نكسة
ولا شفنا غير كل عمار
استقرار وأمان وبحكمة
قالها قائدنا احنا نجحنا
احنا الجيل اللي يعيش محنة
لكن قادر عالاخطار
#سيد_البالوي

القصيدة الثالثة:

إرادة شعب صنعت مجد
وأعظم مجد صمود الشعب
فى وقت الشدة ووقت الحرب
ووقت الجد ما نعرف صعب
لمصر جيوش مش بس جيشين
ولمصر أسود و نسور وسيفين
ولمصر رئيس حالف ما يلين
إلا بالراية المرفوعة
إلا بالكلمة المسموعة
إلا والجيش المصري عظيم
واثنين وخمسين عام منتصرين
بإرادة الشعب صنعت مجد
وهزمت وغد وجابت أرض
وكان فى أدينا أقوى سلاح
مع باسم الله إرادة شعب
#سيد_البالوي