حملت اوجاعي
بقلم الأديب والشاعر يوشع علي إسماعيل
زجل قصيد باللهجة العامية اللبنانية.قصة اليوم
حملت أوجاعي
صرلي ثلاث تيام واعي
من حكيم لحكيم ساعي
لعلي لاقي دوى يشفي
أو حكيم جرحي يراعي
ما كنت لاقي بعد وصفي
المرض أكل براسي نخاعي
النوم من عيوني مخفي
لرب الكون مديت باعي
أنا صاحب عقل تحفي
كرامة البشر حملت أوجاعي
دخلك يا حكيم ناري طفي
وراعي بحكمتك حكمة يُراعي
ولا سر الوجع قادر أخفي
وهَم القلب كييّْل بِصاعي
ولا قادر أخفي دموع ولفي
ولا قادر أبحر بسفينة شراعي
ليش جاحف بحقي جحفي
يا حكيم الجرح جد المساعي
وكشّْف عن الوجع لحفي
ورجع بياض شرشف عقلي
ورد النور ولا تكون ناعي
حملت اوجاعي
