دنيا غداره
…كلمات يحيي العبادي…
================
حاسبي عليه يادنيا كفايه
الأحلام….. بتموت جوايه
بكره الجي ….زي امبارح
امتي الاقي ل جرحي نهايه
حاسبي وصفي معايه حسابي
بعد ما رحلو عني احبابي
شوفي ايه ….الفاضل ليه
وانا راح اشيله جوه دولابي
انا من بدري …..فاتح بابه
بعد ماهرب.. الفرح وسابه
اه من دنيا ….غدرت بيا
قرب يفقد عقلي ..صوابه
حاسبي حسابي معاكي مطول
إياك ترجعي تاني من الاول
فوتي لروحي مكان بتحبه
انا انسان مش عايز اتحول
جوه بحور ك ليه ترميني
من غير مركب بيه تحميني
واسمع ضحكك وانا بتألم
انده ليكي وما….تجاوبيني
فين الشط انا مش راسي
موج البحر.. عالي واسي
وانا مش ممكن برضه اسلم
لازم ارجع.. واحكي لناسي
دنيا غداره
📧 اشترك في النشرة البريدية
أهم الأخبار توصلك على بريدك.
💬 التعليقات (0)