الصمت اللي بيوصل للروح
بقلم/نشأت البسيوني
الصمت ساعات بيكون أهدأ من أي كلام وساعات بيكون أثقل من أي صرخة وساعات يكون الطريق الوحيد اللي يوريك الحقيقة اللي مخبية جواك الصمت اللي ماحدش فاهمه صوتك اللي مش سامعه غير نفسك الصمت اللي بيهديك وقتك ويخليك تبص لنفسك بدون تزييف بدون خوف بدون أي تمثيل وفي الصمت تكتشف حاجات عن نفسك ماكنتش عايز تعرفها أوقات تعرف إنك كنت بتضحك
علشان تخفي دموعك وأوقات تعرف إنك كنت ساكت علشان محدش يشوف ضعفك وأوقات تعرف إنك كنت مستعجل على حاجات ما كانتش ليك وأوقات تعرف إنك محتاج توقف كل اللي بتعمله وتسمع قلبك فعلا الغريب إن الصمت بيكون أحياناً أقوى من أي قرار لأنه بيرمي قدامك كل حقيقة من غير أي فلترة وبيخليك تشوف مين واقف جنبك ومين بعيد ومين بيحبك بصدق ومين بس
بيمر على حياتك مرور الكرام ومين محتاج حضورك فعلاً ومين محتاج غيابك وفي كل لحظة هادية وسط الصمت تحس بروحك بتتنفس لأول مرة بعد سنين من الضوضاء والظنون والتوقعات الخاطئة وتحس إنك مش محتاج كلمة حد ولا نظرة حد علشان تثبت لنفسك قيمتك الصمت وحده كافي إنه يعلمك الصبر إنه يعلمك القوة إنه يعلمك تحمل نفسك إنه يعلمك إن الحياة مش كلها
أصوات وضوضاء الصمت تلاقي نفسك أقوى وأنضج وأهدى وأوعى وإنك قادر تسمع صوتك الداخلي اللي طول الوقت كان موجود لكن ما كانش مسموح له يطلع لأن الدنيا كانت مليانة أصوات تانية الصمت يخليك تعرف إن أهم حاجة في الحياة إنك تسمع نفسك قبل أي حد وإنك تعرف قيمتك من غير ما تنتظر مصادقة أو فهم من أي شخص والصمت اللي بيوصل للروح مش غياب للكلام
الصمت ده رسالة للحياة رسالة لنفسك رسالة بتقولك كفاية تمثيل كفاية خوف كفاية انتظار كفاية ضياع انت هنا وقادر تغير وتبني وتبدأ من جديد الصمت ده مش نهاية الصخب ده بداية وهدوء وعافية وقوة جواك كانت مستنية بس تسمعها
الصمت اللي بيوصل للروح
