يا عم يا بتاع الغرابيل

عايز منك غربال أهز كل اللي في حياتي ويمكن أعيش مرتاح البال..

وأشوف مين ناكر الجميل واللي في الشده صان * الناس بقت بوشين واللي فاكره دهب طلع فلصو ايوه فلصو

السنين ورتنا كتير والناس بقت الوان …. يا عم يا بتاع الغرابيل قولي غربالك بكام

*****

وياعم يا بتاع الحاجات القديمة شوفلنا حاجه عندك لها قيمة ..

شوف قلوب تكون سليمة شوف ناس تكون رحيمة

تعبنا من الناس اللئيمة اللي عايشة بألف وش نعم الف وش

واللي كانت حياتها غش .. واللي أبوها جنيه وقرش ..

شوف ضحكة م القلب طالعة ٠٠شوف شمعة في الضلمه ولعة ..

شوفلنا حتى ضحكة حلوة

تصحي في النفس الحنين ..وتفرح القلب الحزين ..

يا بتاع الحاجات القديمة .. شوفلنا ناس من بتوع زمان ايوه من بتاع زمان

ناس كانت طيبة ..ناس كانت قريبة ..

ناس كانت عيشتها كريمة ..ناس كانت عيشتها بسيطة ..

يا عم يابتاع الحاجات القديمه ينفع تاخد الناس الجديدة

وترجع لنا الناس القديمة .

يا عم يا بتاع الغرابيل