احنا مين
بقلم / صالح منصور
احنا مين
السؤال ده اتقال كثير
من ايام رمسيس ومينا
وبني اسرائيل
بني اسرائيل مش الصهاينه
لا بني اسرائيل ولاد اخو اسماعيل
فرق كبير
احنا مين سأله اقباط مصر الطيبين
واليهود ليهم في بلدنا حاره
وكمان معبد قديم
اليهوديه اصلا ديانه من اله العالمين
قبل ما يمشوا سالونا انتم مين
هم راحوا جم وراهم ناس كثير
التتار والمغول والصليبيين
الانجليزي وفرنسا وعدوان 56
كل دول دابو فينا وسالونا احنا مين
احنا طين الطيبين
احنا ميه للعطشانين
احنا نقطه نور في ظلمه
لما كان الكون اسير
احنا لقمه هنيه
تسد جوع الجعانين
احنا عابد في خلوه
احنا عاشق في غنوه
احنا نجوم الاساطير
احنا هاجر العرب
ام اسماعيل
احنا ماريه القبطيه
ام ابراهيم
احنا نجيب محفوظ
مجدي يعقوب
زويل و الهرم الكبير
احنا امه جوه امه
احنا الحضن الكبير
بقلمي
صالح منصور
📧 اشترك في النشرة البريدية
أهم الأخبار توصلك على بريدك.
💬 التعليقات (0)