آه بتصرخ
عادل محمود
جوه مني ٱٱه بتصرخ
بس صرختها بسكات
رافضة صوتها حتى يطلع
خايفة يخنقها العياط
شاطره بس تهز قلبي
لو سألت وقلت صاحبي
أصله ساب الفجر جنبي
وراح يجيب الضي مات
مات عشان الحزن ينضح
والعيون تعمل حداد
الوجع في الدم يسبح
والعروق تنبض ٱهات
هو موتك يبقى ذنبي
عبي كل الهم عبي
وإن قدرتي يا دنيا خبي
وأحضني في الذكريات
جوه مني ٱٱه بتصرخ
بس صرختها بسكات
آه بتصرخ
📧 اشترك في النشرة البريدية
أهم الأخبار توصلك على بريدك.
💬 التعليقات (0)