يا عمري اتفقعت.

يا عمري اتفقعت.

بقلمي/, السيد حسن

(فتحي ابو طاحون)

بقيت محتار يا دنيا.. مع كل إللي فيكي

خلوني كرهت نفسي.. ورافض اشتريكي..

لا قريب بيخاف عليا..ولا حبيب بيحس بيا

كله بيقطع فيا و.. أنتي عاجبك راضيكي….

ياترى الايام الجاية..جيبالي تاني إيه؟

دا لسه فاضل شوية..ف دمي ما تحرقيه ؟!!!

شبابي إللي فات ضحية..حيعوضهولي مين ؟

ماعدش فيه باقية..للخونة و الغدارين ؟!!!

..وبقيت محتار يا دنيا..مع كل إللي فيكي..

..خلوني كرهت نفسي..ورافض اشتريكي..

سلمت قلبي ليهم..من طيبته كان يبكي عليهم.

كنت أمسح الحزن فيهم.. أتاري الغدر ماليهم….

سابوني لما وقعت..ياريت أنا كنت سمعت.

لكل إللي قالولي حرص..ماكنتش ياعمري اتفقعت….

…بقيت محتار يا دنيا..مع كل إللي فيكي…

… خلوني كرهت نفسي..ورافض اشتريكي…

ضحكة عيونهم غدارة..والمكسب معاهم خسارة.

فيها الحنان ستارة..لاجل مايذقوني المرارة….

طب أروح أنا منهم فين..دا غيرهم ملايين خاينين.

بقى موضة لبس الوشين..ومفيش مكان للمخلصين….

….وبقيت محتار يا دنيا..مع كل إللي فيكي….

…. خلوني كرهت نفسي..ورافض اشتريكي….

بقلمي

السيد حسن.

(فتحي ابو طاحون)يا عمري اتفقعت.