قصيدة
( بحـــــر الغــــــــرام )
شعــــر : محمــد المصري
——————————
أنا وحبيبتي والبحر
قعدنا ع الشط،
أنا وهي..
والليل بيفرد طرحته حواليه.
البحر رايق،
والهوا هادي،
بيحكي الحكاية للكون والنوادي.
بصيت لعينها..
لقيت فيها الموج بيغني،
ويقول للنجوم:
“ده القمر قاعد هنا.. مني!”
ضحكت،
فكل الصدف رقصت ع النغمة،
والشط غطى ع الشجون بالرحمة.
موجة تيجي.. وموجة تفوت،
تقول للبحر بصوت مسكوت:
“سيبهم لوحدهم..
ده الحب هنا طاغي،
والعشق ده..
مش محتاج دواء شافِ!”
مسكت إيديها..
لقيت فيها الدفا والروح،
حضنت بحر الهوى..
ونسيت معاها الجروح.
قلت للبحر:
“يا بحر..
اشهد علينا..
دي هيّ الهوى..
وهي السنينا.”
————————–
الشاعر الفنان /محمد المصري
شاعر بريشة فنان
قصيدة بحـــــر الغــــــــرام
📧 اشترك في النشرة البريدية
أهم الأخبار توصلك على بريدك.
💬 التعليقات (0)