بنت الاصول
بقلم // ممدوح العناني
قصيده بعنوان
الف
سلامه عليك ياغالي ايه ال جرالك
مال
دموعك سالت على خدك وصعبان عليك حالك
متزعلش
طول ماانا جنبك وبخير وسلامه انا وعيالك
خد
دهبي وبيعه كله من خيرك والمال مالك
اضحك
ياغالي العمر الطويل ليك والخير قدامك
دموعك
ال على خدك بايديا ياحبيبي امسحالك
المال
مره يروح ومره يجيي عادي
لكن
انت ياروح الروح ياحنين ياابو طبع هادي
لو
قلت اااه من وجع الجروح هنروح فين انا وولادي
انا
لو موقفتش جنبك يبقي مينفعش اكون ليك
انا
سوى انت فقير او غني بعشق تراب رجليك
ارمي
الحمل التقيل عليا والخفيف عليك
ابيع هدومي واقص شعري وابيعه ليك
وافديك
بروحي وياريت اقدر ارضيك
كفايه
زعل ياعمري ابتسم الله يخليك
والف
سلامه عليك ياغالي ايه ال جرالك
ومال
دموعك سالت على خدك وصعبان عليك حالك
بنت الاصول
📧 اشترك في النشرة البريدية
أهم الأخبار توصلك على بريدك.
💬 التعليقات (0)