حدود الغياب

بقلم/نشأت البسيوني 

في لحظة معينة ندرك ان الغياب مش مجرد مسافة ولا وقت بيعدي بالعكس الغياب اختبار حقيقي لقدرة الروح على التحمل اختبار بيكشف حجم التعلق اللي خبيناه جوا صدورنا سنين واختبار بيورينا مين كان وجوده ضرورة ومين كان عبء واحنا مش واخدين بالنا الغياب ساعات يعلمنا اللي ما قدرتش كل الكلمات تعلمه يعلمنا ان العلاقات اللي ما تثبتش نفسها في لحظة فقد ما 

تستاهلش تبقى جزء من مستقبلنا يعلمنا ان اللي يتساهل في وجودنا ما يستحقش خوفنا من خسارته يعلمنا ان الاحتياج مش ضعف لكن الاستمرار مع من لا يشعر بيه هو الضعف الحقيقي

ولما نغيب او حد يغيب عنا نكتشف حدود جديدة جوانا حدود ما كناش نعرف اننا نقدر نوصل لها نكتشف اننا نقدر نقف لوحدنا مهما كنا فاكرين اننا بنقع من غير دعم نكتشف ان الصبر مش صفة انما 

مهارة وان القلب مهما اتكسر يلاقي طريقة يرجع نفسه تاني حتى لو ببطء الغياب مش بس فراغ الغياب مساحة اعادة ترتيب مساحة نراجع فيها تاريخ اللي شاركناهم مشاعرنا مساحة نعيد فيها تقييم الطريق اللي ماشيين فيه ونشوف اذا كان فعلا يناسب حجمنا ولا احنا صغرنا عشان نناسبه مساحة نقرر فيها اللي يستمر واللي ينتهي من غير ضجيج حدود الغياب بتعرّفنا على نفسنا اكتر مما توقعنا 

بتكشف قوتنا اللي كنا فاكرينها مؤقتة وهدوءنا اللي كنا نظنه ضعف واصرارنا اللي مخبيناه تحت طبقات تعب وذكريات ووجع قديم بتورينا اننا نقدر نرجع نقف بشجاعة حتى بعد اكتر اللحظات قسوة

 نفهم ان الغياب ما هوش نهاية بالعكس هو بداية بداية لفهم اعمق لوعينا لنفسنا وللقيمة اللي لازم نديها لقلوبنا بداية جديدة لنسخة ما بتتكرر مننا نسخة اقوى وانضج واكثر فهما لمعنى البقاء ومعنى الرحيل