زجل قصيد باللهجة العامية اللبنانية
مواسم الشعر
قالوا كل شاعر إلو موسم
بينتهي مع حصاد الرزق المُقسم
عابيدر الموهبه بتخلص غلتو
وبيطوي صفحات وراق الطلسم
أنا عارضت هالرأي وزَلتو
برأي أصوب بالعقل تجسم
نهاية عُمر الشاعر حَلِتو
بموسم جديد جدد الموسم
المرض فيكن تلغلغل بعلتو
على وجهوكم الجهل رَسم
الأصمعي بعدها بتدلي دَلتو
وأبن المقفع شعرو توسم
وقيس الشاعريه وعطر فلتو
ببيت العتيق عطرو نَسم
وعنتر عبس وبهى طلتو
بسبع معلقات الشعر تَبسم
وزهير..وطرفه طغى بحلتو
بعصر الجاهلي بنو المُجسم
وخليل العبقريه هل هلتو
ببحر الشعر الشعر بلسم
وأنا خمسين عام عمري بذلتو
بعدني بطقم الفلسفه مرسم
إذا انتو ثقل الكلمه جهلت
شو ذنب المُعلم بفشل تلميذ
إذا ما استطعم بشهد أدسم
بقلم الأديب والشاعر يوشع علي إسماعيل
قالوا كل شاعر إلو موسم
