اللي بيحاول علشانك هو فقط اللي يستحقك
بقلم سوزان عادل
اللي بيحاول علشانك
علشان بتكون قدامه كل الحلول وبيختارك
قدامه الراحة والأستغناء وبيختار تعبك
قدامه الهدوء والروقان وبيختار حرق الأعصاب والبنزين وياك.
قدامه الأختيارات كتير لكن هو بيصمم عليك
علشان كده يستحقك، ويستحق قلبك، ويستحق أنك أنت كمان تكون حد جميل علشان تليق بمحاولاته وقلبه.
ببساطة أن تكون مرغوب هِنا بتظهر معنى اللذة اللي بجد
فـ ما تضيعش منك حد بيحاول ولا تتكبر لأنه اللي نَفسه يتقطع علشان تبقى ملكه عمره ما هيفكر يفرط فيك، واللي مشي علشانك مليون بلد غير اللي قابلك صدفة، بمعنى أصح اللي سعى علشان أنت تكون نصيبه غير اللي رضى بيك نصيبه، المحاولات حلوة وجميلة والدليل القاطع لصدق المحبة.
