مش هندم عليك
بقلم : الكاتب والمفكر وحيد حماد
بحق كل نبضة في قلبي كانت ليك
بحق دموعي اللي نزلت كتير عليك
هبيعك ومش هشتريك
هبيع دموعي لو نزلت يوم عليك
وإن فكرت تاني فيك
اعرف آني مش هندم عليك
ولا هندم آني حبيتك ومكنتش ليك
أنا هندم على اللي كان
كان في يوم إحساسي ليك
كنت بضعف قدام عينيك
وانت كنت بتخدعني بدموع عينيك
إحساسي ليك ده كان أكيد
وانت إحساسك عمره ما اتولد فيك
خدعتني. جرحتي
وجعتني
بعت قلبي اللي اتولد بيك
بس وحياة اللي كان
عمر قلبي ما هيعيد اللي كان
مش هيرجع تاني ليك
ولا هيضعف قدام عينيك
بحق كل نبضة في قلبي كانت ليك
هبيعك ومش هشتريك
هبيع دموعي لو بكت يوم عليك
مش هندم عليك
📧 اشترك في النشرة البريدية
أهم الأخبار توصلك على بريدك.
💬 التعليقات (0)